“Агар Аллоҳга яхши қарз берсангиз, сизга кўпайтириб берур ва сизни кечирур. Аллоҳ шакур ва ҳалиймдир.”
Аллоҳ таоло бу оятда бева-бечора ва муҳтожларга бериладиган моддий ёрдамни ўзига берилган “яхши қарз” деб таърифлаяпти. Холбуки, У Зот бутун дунёдан беҳожат, барча эса Унга ҳожатманддир. Ушбу услубнинг ўзида хайру эҳсонга тарғиб мавжуд.
“Агар Аллоҳга яхши қарз берсангиз…»
Сўнг, Аллоҳ таоло бу берилган қарзнинг савобини кўпайтириб қайтаришга ваъда бермоқда. Энг муҳими, бу ишнинг сабабидан бандаларининг гуноҳларини кечишини эълон қиляпти.
“Сизга кўпайтириб берур ва сизни кечирур”.
Чунки:
“Аллоҳ шакур ва ҳалиймдир”.
___________________
“Шакур”, яъни банданинг озгина қилган яхшилигига кўплаб яхшиликлар ила жавоб қилгувчи зот маъносида.
“Ҳалийм” – иқоб қилишга (жазолашга/азоблашга) шошилмайдиган