ЖИДДА: “Саудия Арабистонининг Ўзбекистон билан иқтисодий ҳамкорлиги хусусий тармоқ иштирокининг кўпайиши сабаб мустаҳкамланиши мумкин. Қироллик Марказий Осиё давлати билан сиёсий ва ишбилармонлик алоқаларини чуқурлаштирмоқда”, деди Саудия Арабистони инвестиция вазири Холид Ал-Фалиҳ.
Ал-Фалиҳ Саудия Арабистони-Ўзбекистон ишбилармонлар кенгашининг Жидда шаҳрида бўлиб ўтган тўртинчи йиғилиши доирасида Arab News нашрига берган эксклюзив суҳбатида Ўзбекистон Президенти Шавкат Мирзиёев қироллик ишбилармон доиралари раҳбарлари билан учрашганини ва бу борада ўз қарашлари билан бўлишганини маълум қилди.
“У (Президент) компанияларнинг Ўзбекистондан, икки тарафлама манфаатлар йўлида, ўсиш учун янги бозор сифатида фойдаланиш умидлари ва улар дуч келиши мумкин бўлган муаммолар ҳақида сўради. Икки соат давом этган учрашувда Президент бу борада илгари сурилган ижобий фикрлар ва таклифларни тинглади”, деди Ал-Фалиҳ.
Ал-Фалиҳнинг таъкидлашича, учрашув давомида икки мамлакат компаниялари ўртасида 15 та шартнома имзоланган. Шу жумладан қиймати 45 миллиард СР (12 миллиард АҚШ доллари) дан ортиқ бўлган 10 та инвестиция шартномаси имзоланди.
Битимлар турли соҳаларни қамраб олган бўлиб, Ўзбекистон Республикаси Инвестициялар ва ташқи савдо вазирлиги, Ўзбекистон Республикаси Энергетика вазирлиги ҳамда “ACWA Power” компанияси ва бошқа инвесторлар ўртасида тузилган битимларни ўз ичига олади. Бир қатор қувват ишлаб чиқариш ва тузли сувни чучуклаштириш билан шуғулланадиган корхоналари ҳам шулар жумласидандир.
ACWA Power компанияси Ўзбекистон ҳукумати билан 1500 МВт қувватга эга шамол электорстанцияси қуриш лойиҳаси бўйича 2,4 миллиард долларлик шартнома имзолашини айтди. Станцияни Ўзбекистоннинг Қорақалпоғистон ҳудудида жойлаштириш режалаштирилган ва унинг ёрдамида 1,65 миллион хонадонни электр энергияси билан таъминлайди. Бу орқали йилига 2,4 миллион тонна углерод чиқиндилари атмосферага чиқишини олдини олиш кўзда тутилган. Ушбу лойиҳа 2026 йилнинг биринчи чорагида тўлиқ фойдаланишга топширилиши мумкин.
Кенгашнинг 4-йиғилишида сўзга чиққан Ал-Фалиҳ Қироллик ва Ўзбекистон ўртасида тўғридан-тўғри импорт ва экспорт алоқаларини йўлга қўйиш зарурлигини таъкидлади, чунки хозирда икки давлат ўртасидаги савдонинг асосий қисми Туркия ва БАА орқали амалга оширилмоқда. Унинг айтишича, Ўзбекистон қишлоқ хўжалиги, кўчмас мулк, туризм ва инсон ресурслари соҳаларида катта имкониятларга эга давлатдир.
“Ишончим комилки, Ўзбекистон яқин ўн йилликда Саудия Арабистони сармоялари учун энг яхши йўналишлардан бири бўлади”, – дея қўшимча қилди у.