Афғонистон Марказий банк раиси Islamic Financial Services Board (IFSB)нинг йиллик учрашуви (саммит)да иштирок этиш Марокашнинг Работ шаҳрига етиб борди. Ушбу йиғилиш жорий йилнинг 1–3 июль кунлари Марокаш марказий банки – Bank Al-Maghrib ҳомийлигида ўтказилади.
IFSB – 2002 йилда Малайзияда ташкил этилган ва ислом молия хизматлари барқарорлигини мустаҳкамлашни мақсад қилган халқаро ташкилот бўлиб, бу галги йиғилишда мусулмон мамлакатлари марказий банклари раҳбарлари, мувофиқлаштирувчи идоралар ва молия соҳаси экспертлари иштирок этиши режалаштирилган.
Работдаги анжуманда ислом банк тизимида шаффофликни ошириш, молиявий барқарорликни мустаҳкамлаш ва ислом молия муассасалари ўртасида глобал ҳамкорликни ривожлантириш каби долзарб масалалар муҳокама қилинади.Шунингдек, рақамли инновация, барқарор молия ва кам таъминланган ҳудудларда молиявий иштирок (қамров)ни ошириш йўллари ҳам кўриб чиқилади.
IFSB таркибида 188 та аъзо, шу жумладан 85 та регулятор ва 95 та молия муассасаси бўлиб, ислом банкчилиги, суғурта (такафул) ва капитал бозорлари учун глобал меъёрларни белгилайди ва ҳозирги кунда таҳминан $4 триллионга тенг бўлган соҳани мувофиқлаштириб (назорат қилиб) туради.
Афғонистоннинг мазкур саммитдаги иштироки мамлакатда тобора ривожланиб бораётган ислом банк-молия тизимини янада илгари суришга қаратилган стратегик қадам сифатида баҳоланмоқда. Делегациянинг мақсади халқаро ислом молия ташкилотлари билан алоқаларни мустаҳкамлаб, мамлакат иқтисодиётини қўллаб-қувватлаш учун инвестициялар ҳамда экспертиза (яъни шу соҳани ривожлантириш мақсадида экспертлар ва тажриба) жалб қилишдир.
Афғонистон расмийлари ушбу саммит мамлакатда, биринчи навбатда кичик бизнес ва қишлоқ жамоалари учун ислом молия хизматларини кенгайтиришга ёрдам беришидан умид қилмоқда.IFSB саммити ислом молиясининг келажагини шакллантиришда муҳим платформа ҳисобланиб, тажриба алмашиш, ҳамкорлик ўрнатиш ва аъзо давлатларда молиявий барқарорлик ҳамда иштирок/қамровни таъминлашга қаратилган ташаббусларни илгари суриш имконини беради. Афғонистоннинг иштирок этиши мамлакатнинг халқаро меъёрларга мувофиқлашиш ва иқтисодий муаммоларини ислом молияси тамойиллари асосида ҳал этиш борасидаги интилишларини кўрсатади.