Ваниҳоят, Рамазон ойини самарали ўтказиш бўйича Граҳам Алкотдан яна бир неча маслаҳат:
1. Овқат ва ундаги калориялар ҳақида гап кетганда, миқдор ҳақида эмас, балки сифат ҳақида қайғуринг
“Кунлар ўтиши билан мен кун давомида қанча калория истеъмол қилганим ҳақида ўйламай қўйдим ва шунчаки сифатли овқатланишга, яъни истеъмол қилаётган овқатларим таркибида яхши озуқавий моддалар бўлишига, тез қонга сўрилувчи ва қисқа муддатли қувватга айланувчи, яъни юқори гликемик индексга эга таомлар (шакар ва холестеринга айланувчи ёғлар каби) бўлмаслигига эътиборимни қаратдим (гликемик индекс деганда, маҳсулотлар таркибидаги углеводларнинг глюкозага айланиш тезлиги тушунилади).
2. Кунингизни режалаштиринг
“Рўза тутишнинг яхши томонларидан бири шундаки, сиз пухта кун режаси тузасиз. Ҳаётдан олган тажрибаларим ўзимга меҳрибон бўлишни ўргатди: доимий шошилиш, стресс, жамоат транспортидаги иссиқ ҳаво.. буларнинг бари ўз салбий таъсирини кўрсатмай қолмайди, лекин, агар сиз кунингизни режалаштирсангиз, бу муаммоларга деярли дуч келмайсиз. Бу эса сизга янада самарали бўлишга ёрдам беради. Мен бунинг (яъни кунни режалаштиришни) муҳимлигини тушуниб қолдим ва ухлашдан олдин кунни қандай ўтказганимни таҳлил қилиб чиқишга ва шу орқали ўзимни эртанги кунга яхшироқ тайёрлашга одатландим, албатта бу ўзим учун жуда қулай ва фойдали бўлди.
3. Ишни қийинидан бошланг
“Энг қийин ишни бажариш учун зарур бўлган фаол ёндашув рўза пайтида етишмай қолади. Шундай экан, кунингизни энг қийин ишни қилишдан бошлашга ҳаракат қилганингиз маъқул. Буни йил давомида қилишга одатланиш керак, чунки бу кунингизнинг қолган қисмини осонлаштиради ва қалбингиздан хавотирни аритади. Рамазон менга бу одатни қайта йўлга қўйишимга ёрдам берди.
4. Заиф кўринишдан қўрқманг
Баъзида ўзингизни асабий, мижғов/жанжалкаш ва бетартиб ҳис қиласиз. Бундай ҳолатда атрофингиздагиларга у ёки бу ҳолатда нега ижирғанганингизни, “кечирасиз мен рўзадор бўлганим учун бўлса керак, гапингизни бироз тушунмай қолдим”, “фикрларимни унутиб қўйдим” ёки “узр, хаёлим овқатга кетиб қолибди” деб тушунтириб қўйганингиз яхши. Бу хайрихоҳлик ва самимий муносабатга эришишнинг ягона йўли дейиш мумкин.
