Яқинда ўз фаолиятини бошлаган Panorama Airways хусусий авиакомпанияси Тошкент ва Мадинани тўғридан-тўғри рейслар билан боғлайди, деб хабар беради www.spot.uz.
Компания Ўзбекистонда биринчи бўлиб 21 апрелдан бошлаб ушбу шаҳарлар ўртасида парвозларни амалга оширишни бошлайди.
Panorama Airways Тошкент ва Мадинани тўғридан-тўғри рейслар билан боғлайди.
Panorama Airways Тошкент ва Мадина (Саудия Арабистони) ўртасида яқин орада парвозлар йўлга қўйилиши ҳақида хабар берди.
Бу мазкур йўналишдаги биринчи тўғридан-тўғри рейсдир, дейилади хабарда. Хусусий авиаташувчи уни ҳажга кетаётган мусулмон зиёратчиларни кўзлаб ишга туширмоқда.
Парвозлар 21 апрелдан бошлаб амалга оширилади. Парвозлар ҳар куни, Тошкентдан 19.15 да учади.
Panorama Airways 2021-йилда ташкил этилган ва 2022-йил кузида ҳаво кемаси оператори сертификатини олган. 22 декабр куни янги авиаташувчининг Тошкентдан Урганчга биринчи тижорий парвози амалга оширилди.
Кейинги куни компания самолёти ўзининг биринчи хорижий парвозини – Москвага амалга оширди. Феврал ойи бошида у Россиянинг Қозон ва Минводы шаҳарларига уча бошлади, шунингдек, Самара, Новосибирск, Екатеринбург ва Дубайга парвозлар бошланишини эълон қилди.
Panorama Airways юқоридаги йўналишлардан ташқари Исроил, Жанубий Корея ва бошқа мамлакатларга ҳам парвозларни амалга ошириш ниятида.
Эслатиб ўтамиз, аввалроқ Centrum Air авиакомпанияси ўзининг биринчи халқаро йўналиши Наманган – Жидда бўйлаб парвозларни амалга ошира бошлагани ҳақида хабар берилган эди (https://www.spot.uz/ru/2023/04/03/centrum-jeddah/).