Жорий йилнинг 25-26 октябрь кунлари AAOIFI – Ислом молияси соҳасида шариат стандартлари ишлаб чиқиш, мувофиқлаштириш ва тартибга солиш билан шуғулланувчи етакчи халқаро ташкилот Баҳрайн давлати Марказий банки ҳомийлиги остида 18-Шариат Кенгашлари йиллик анжумани (конференцияси) бўлиб ўтади.
Ҳар йили ўтказиладиган ушбу халқаро анжуман ҳақли равишда ислом молияси соҳасидаги энг муҳим тадбирлардан ҳисобланади ва унда шариат уламолари, турли давлатлар марказий банклари масъуллари, иқтисодчилар, банк-молия соҳаси вакиллари, ҳуқуқшунослар, сиёсатчилар, оммавий ахборот воситалари вакиллари, ҳамда соҳага доир муҳим қарорлар қабул қилинишига таъсир ўтказиш салоҳиятига эга бўлган бошқа шахслар иштирок этадилар. Анжуман доирасида ислом молияси соҳасининг долзарб муаммолари муҳокама қилинади ва улар юзасидан тегишли қарорлар қабул қилинади.
Пандемия муносабати билан ушбу анжуман ҳам биринчи бор онлайн тарзда ўтказилади ва шу муносабат билан барча хоҳловчилар унда бепул қатнашиш имкониятига эгалар.
Анжуманни Халқаро фиқҳ академияси аъзоси, AAOIFI шариат кенгаши раиси, Муфтий Тақий Усмоний ҳазратлари очиб берадилар.
Анжуман араб тилида ўтказилиб, инглиз ва рус тилларига синхрон таржима қилинади. Анжуманда қатнашиш учун рўйхатдан 2020 йил 24 октябргача ўтиш мумкин: https://aaoifi.com/aaoifi-18th-shariaah-conf/?lang=en