Камайиб борувчи мушорака асосида хизмат кўрсатиш фаолиятини молиялаштиришга мисол тариқасида шерикчилик асосида такси автомашинаси сотиб олиб, уни ижарага бериш фаолиятини келтирмоқчимиз. Бундай шерикчилик қуйидагича амалга оширилади:
1.Такси автомашинасини ширкат ул-милк шаклидаги шерикчилик мулкига айлантириш (ушбу мавзудаги мақоламизнинг аввалги қисмларида шариатда бунга рухсат борлиги айтиб ўтилган эди);
2. Такси хизматидан тушган даромад устида мушорака, яъни шерикчилик қилиш (аввалроқ айтиб ўтганимиздек бунга ҳам рухсат бор).
3. Мижознинг сармоядор улушини қисмларга бўлган ҳолда сотиб олиши (бу масала уй сотиб олишни молиялаштириш мисолида баён қилинган шартларга боғлиқ. Лекин уй сотиб олишни молиялаштириш билан такси автомашинасини молиялаштириш ўртасида бироз фарқ бор. Такси ижарага берилганда, одатда, автомашина баҳоси маълум вақт мобайнида амортизация (яъни эскириш/уриниш) эвазига камайиб боради, шунинг учун, сармоядор улуши қисмларини баҳолаш жараёнида мулк баҳосининг амортизация эвазига камайиб боришини эътиборга олиш керак бўлади).